Сәтбаев университетінің Ғылыми кітапханасының сайтына қош келдіңіздер!
Миллионнан аса кітап – сіздер үшін!
Satbayev University Ғылыми кітапханасы 1934 жылы 22-қыркүйекте 1000 данадай бастапқы қормен Семей геологиялық барлау техникумы кітапханасының негізінде құрылған.
Қазіргі кезде кітапхананың кітап қоры бір жарым миллионнан аса оқу және ғылыми-техникалық әдебиеттен тұрады, 14 000 -нан аса оқырмандарға қызмет көрсетеді.
Бүгінгі таңда кітапхана - университеттің ақпараттық және мәдени орталығы, онда: Ұ.Сыдықов атындағы шығармашылық орталық, 7 қызмет көрсету пункті, 3 компьютерлік зал және 4 абонемент жұмыс істейді.
Ғылыми кітапханада Қ.И. Сәтбаев, А. Машани, Ө.А. Байқоңыровтың ғылыми еңбектері, В.К. Монич, К.Г. Войновский-Кригер, А.В. Бричкиннің геология және тау-кен ісі жөніндегі сирек басылымдар және әлемдік әйгілі баспалардың кітаптары сақтаулы.
Ғылыми кітапхана заманауи құрылғылармен жабдықталған, оның құрамына кітапхана қорына онлайн-қол жеткізуді қамтамасыз ететін «Мега Про» автоматтандырылып біріктірілген кітапхана жүйесі кіреді. Электрондық кітапханада 60 000-ға жуық электрондық құжат бар.
Кітапхананың Ақпараттық-ресурстық орталығы төмендегідей жазылулы шетелдік: Scopus, Web of Science, Wiley, Reaxys, IEEE Xplore, ЭБС IPR SMART, ЭБС Лань және Эпиграф дерекқорларына қолжетімділікті қамтамасыз етеді.
Кітапхана тұрақты түрде дерекқорлармен жұмыс жөнінде тренингтер, вебинарлар, шеберлік сыныптарын және тәжірибелік сабақтар ұйымдастырады, ғалымдарға кеңес береді және студенттердің қызығушылықтарын қолдайды.
Satbayev University Ғылыми кітапханасы ҚР Жоғары оқу орындары кітапханалары қауымдастығының белсенді мүшесі.
Әлеуметтік желіде Satbayev University кітапханасына қосылыңыздар:
