Кітапхана туралы

О библиотеке

 

Satbayev University Ғылыми кітапханасы – Қазақстан Республикасы жоғары оқу орындары кітапханалары арасындағы ең ірі кітапхана.

 

Оның қорында 2 миллионнан астам кітаптар бар, оның ішінде XIX аяғы – XX басындағы сирек кітаптар және ғылыми-техникалық әдебиеттердің қалыптасқан классикалық басылымдары сақталған.

 

Кітапхана – университет құрдасы, 1934 жылдың 22 қыркүйегінде Семей геологиялық барлау техникумы базасында құрылған. Кітапхананың бірінші меңгерушісі болып Заозерский А.И. тағайындалды. Алғашқы кездері кітап қоры 1000 дананы құрады. Оқу құралдары жетіспеді, кітапхана штатында екі-ақ адам болды. 1934 жылдың соңына қарай кітапханада барлығы 8 692 кітап болды. Тіпті ең қажетті оқулықтар мен оқу құралдары да болған жоқ, кафедралардың рұқсат қағазымен 10 адамға 1 кітаптан берілді.

 

1955 жылдан бастап кітапхана Қазақстанның қара, түсті металлургия, көмір өнеркәсібі министрліктері басылымдарымен толыға бастады. Кітапхананың кітап қорын толықтыруға елдің жетекші жоғары оқу орындарының кітапханалары үлкен көмек көрсетіп, сыйға кітаптар тарту етті. 50–60-жылдары кітапхана қорына В.В. Фаворский, В.К. Монич, К.Г. Войновский- Кригер, А.В. Бричкин тәрізді ғалымдардың жеке кітапханаларынан геология, кен ісі бойынша кітаптар келіп түсті.  

 

Satbayev University Ғылыми кітапханасы – ғалымдар мен студенттер үшін қажетті білім көзі мен ақпараттың, ғылыми, техникалық ойдың орталығы. Оның қабырғасында біліммен сусындап өскен жас мамандар мен инженерлер буындарының жүздеген зерттеулері жаңа кітаптарға бастау алған.

 

Ғылыми кітапхана бүгінгі күні 14 нүкте бойынша қызмет жасайды: 8 абонемент және 6 оқу залдары бар. Кітапхана жыл сайын жаңа кітаптармен және баспа электронды форматтағы 500 аталымды мерзімді басылымдармен толықтырылады. 1998 жылдан бастап кітапхана өз үрдісін автоматтандыру ісіне белсенді түрде көшкен. «АКАЖ» (АБИС) кітапханалық-ақпараттық жүйесі сатып алынған. Ал 2000 жылы «РАБИС» жетілдірілген бағдарламасы алынған. Қазіргі таңда Ғылыми кітапхана «РАБИС-WIN-СЕТЬ» бағдарламасы бойынша жұмыс жасайды. Оқырмандарға ақпараттық қызмет көрсету, каталогтандыру, қор жинақтау үрдісі автоматтандырылған.

 

2009 жылдан бастап Электрондық кітапхана құру бойынша жұмыстар жүргізілуде. Электрондық кітапхананың негізгі контентін ғалымдардың еңбектері құрайды. Электронды қормен жұмыс істеу үшін 2013 жылы «Элар ПланСкан» кітап сканері сатып алынды.

 

Ғылыми кітапхана оқырмандары 8 мыңнан асады, олардың арасында тек студенттер ғана емес, сондай-ақ профессорлық-оқытушылар құрамы, ғылыми қызметкерлер және университеттің басқа да қызметкерлері бар. Жыл сайын Ғылыми кітапханаға 400 мыңнан аса келушілер тіркеліп, 1 млн дана кітап, журналдар, газеттер беріледі. Электрондық кітапханаға 40 мыңнан аса адам қатысады.

 

Кітапхана Республиканың ғылыми-зерттеу және оқу үдерісін ақпараттық қамтамасыз ету орталығына айналды. Кітапхана кітап қорын сапалы жаңартқаны үшін және жаңа технологияны енгізгені үшін ҚР Жоғары оқу орындары кітапханалары қауымдастығының «Үздік кітапхана» номинациясы дипломымен марапатталған. 2015 жылы Республикалық ЖОО аралық электрондық кітапхана сайтына ПОҚ ғылыми жұмыстарының библиографиялық сипаттамаларының сілтемесін орнатуда Қазақстандағы жоғары оқу орындары кітапханаларының арасында бірінші орынға ие болып, белсенділер қатарынан көрінді.

 

Satbayev University Ғылыми кітапханасы – Қазақстан Республикасының Жоғары оқу орындарының кітапханалары қауымдастығының мүшесі.

picture picture-2 picture-3

picture-4 picture-5 picture-6

Жоғары

Аудармасы жоқ


Басты парақшаға өту